सोशल मीडियावर कधी काय व्हायरल होईल याचा काही नेम राहिलेला नाही असाच एक प्रकार सोलापूर जिल्ह्यात समोर आलेला असून एका व्हिडिओमध्ये अवघ्या पंधरा दिवसांचे शेळीचे पिल्लू दूध देत असल्याचे व्हिडिओत सांगण्यात आलेले आहे.
मोहोळ तालुक्यातील ही घटना असून कुरुल येथील रहिवासी असलेले धर्मवीर शिवाजी धोत्रे हे एक बांधकाम व्यावसायिक आहेत. कोरोनानंतर त्यांचा व्यवसाय बंद पडला म्हणून त्यांनी शेळीपालनाचा व्यवसाय सुरू केला. शेळीच्या कळपामधील एका शेळीने दोन पिल्लांना जन्म दिला त्यानंतर अवघ्या पंधरा दिवसांच्या पिल्लाने दूध देण्यास सुरुवात केली असे त्यांचे म्हणणे आहे. सदर घटनेचा व्हिडिओ सोशल मीडियावर व्हायरल झालेला असून अनेक जणांनी याबद्दल आश्चर्य व्यक्त केले आहे.