पुणे शहरात एक अजब प्रकार समोर आलेला असून घरात झालेल्या किरकोळ वादानंतर घरजावई असलेल्या व्यक्तीने सासूला मारहाण करत तिच्या चेहऱ्यावर गरम पाणी फेकून तिचे डोके जमिनीवर आपटवले आहे त्यामुळे सासूचे दोन दात पडलेले असून जखमी सासूबाईंवर सध्या रुग्णालयात उपचार सुरू आहेत.
पुण्यातील खडकी परिसरात आर्मी क्वार्टरमध्ये ही घटना घडलेली असून महिंद्र सिद्धनाथ तोरणे ( वय 25 वर्ष ) असे अटक केलेल्या आरोपीचे नाव आहे तर सासू असलेल्या सुजाता कैलास शिंदे ( वय पन्नास वर्ष ) असे तक्रारदार महिला यांचे नाव आहे. सोमवारी संध्याकाळी सातच्या सुमारास ही घटना घडली आहे.
खडकी परिसरातील आर्मी भागात शिंदे कुटुंबीय राहत असून जावई महिंद्र हा देखील तिथेच वास्तव्याला आहे. फिर्यादी यांनी गेल्या अनेक महिन्यांपासून जावई सासरी राहत असल्याकारणाने त्याला आपल्या घरातून दुसरीकडे जाण्याचा सल्ला दिलेला होता मात्र रागाच्या भरात त्याने भांडण सुरू केले आणि सासूच्या चेहऱ्यावर गरम पाणी ओतले आणि त्यांचे डोके जमिनीवर आपटले त्यात त्यांचे दोन दात तुटलेले आहेत. त्यांच्यावर ससून रुग्णालयात उपचार सुरू असल्याची माहिती असून खडकी पोलिसांनी जावयाला अटक केली आहे .