पुण्यात एक खळबळजनक अशी घटना समोर आलेली असून दुचाकीमध्ये पेट्रोल भरण्यासाठी आलेल्या तरुणीकडे पाहून अश्लील हावभाव केल्याचा प्रकार समोर आलेला आहे. तक्रारदार तरुणीने आरोपीला जाब विचारला त्यावेळी आरोपीने तिला मारहाण केलेली आहे. बोपोडी येथील एका पेट्रोल पंपावर ही घटना घडलेली असून खडकी पोलिसांनी एका व्यक्तीच्या विरोधात गुन्हा दाखल केलेला आहे.
उपलब्ध माहितीनुसार , बोपोडी परिसरात सदर तरुणी राहत असून तिचे वय 23 वर्ष आहे. बोपोडी परिसरातील एका पेट्रोल पंपावरती पेट्रोल भरण्यासाठी ती आलेली असताना आरोपी गौतम राजू कदम याने तिला डोळा मारला. तिने तो प्रकार पाहिल्यानंतर त्याला जाब विचारला.
29 ऑक्टोबर रोजी संध्याकाळी साडेपाचच्या सुमारास ही घटना घडलेली असून पेट्रोल पंपावरील रांगेतील उभे होती त्यावेळी आरोपीने तिच्याकडे पाहून डोळा मारला आणि अश्लील हावभाव केले. तरुणीने त्याला जाब विचारला त्यावेळी आरोपीने तिच्या कानाखाली वाजवली असे तिने फिर्यादीत म्हटलेले असून पोलिसांनी तपासाला सुरुवात केलेली आहे .