पुणे शहरात सध्या दुचाकी चोरीचे प्रमाण वाढलेले पाहायला मिळत असून असाच एक प्रकार पुन्हा एकदा कोंढव्यात समोर आलेला आहे . एका चोरट्याकडून चोरीच्या तब्बल पाच दुचाकी जप्त करण्यात आलेल्या आहेत.
उपलब्ध माहितीनुसार , आमन अलीम शेख ( वय 25 वर्ष राहणार नवाजिश पार्क कोंढवा खुर्द ) असे अटक करण्यात आलेल्या दुचाकी चोराचे नाव असून आरोपीने शहरातील वेगवेगळ्या भागातून दुचाकी चोरलेल्या होत्या. दुचाकी विक्रीच्या तयारीत तो असतानाच पोलिसांना या प्रकरणाचा सुगावा लागला.
कोंढवा पोलिसांनी तात्काळ सापळा रचून आरोपी शेख याला ताब्यात घेतले त्यावेळी त्याने आत्तापर्यंत पाच दुचाकी चोरलेल्या आहेत याची कबुली दिली . पोलीस उपायुक्त विक्रांत देशमुख यांच्या मार्गदर्शनाखाली वरिष्ठ पोलीस निरीक्षक संतोष सोनवणे , पोलीस निरीक्षक संजय मोगले यांच्या पथकाने ही कारवाई केलेली आहे.