शिक्षणाचे माहेरघर असलेल्या पुण्यामध्ये एक धक्कादायक असा प्रकार समोर आलेला असून काम सोडून जाण्याची तयारी केलेल्या एका कामगाराला बेदम मारहाण करून जीवे मारण्याची धमकी देण्यात आलेली आहे. पिंपरीतील हा प्रकार असून सांगवी पोलीस ठाण्यात गुन्हा दाखल करण्यात आलेला आहे.
उपलब्ध माहितीनुसार , मनू वासू नायर ( वय 52 राहणार सृष्टी चौक पिंपळे गुरव ) असे या प्रकरणातील आरोपी व्यक्तीचे नाव असून मोईन मीया तांबोळी ( वय 22 वर्ष ) , सदाम मीया तांबोळी ( वय 25 वर्ष ), मीया तांबोळी (वय 49 वर्ष ) आणि एक बिहारी मुलगा या सर्वांच्या विरोधात गुन्हा दाखल करण्यात आलेला आहे.
14 सप्टेंबर रोजी सृष्टी चौक पिंपळे गुरव येथे ही घटना घडलेली असून आरोपी मिया तांबोळी याचे सृष्टी चौकात गॅरेज आहे. त्या गॅरेजमध्ये फिर्यादी व्यक्ती हे काम करत होते मात्र काही कारणांमुळे गॅरेजमधील काम सोडून जाण्याची त्यांनी तयारी केली याची माहिती आरोपींना समजली आणि त्यांनी काहीतरी भांडण काढून शिवीगाळ करत आपल्याला हाताने मारहाण केली असे म्हटलेले आहे. दुसरीकडे कामाला गेला तर तुला जिवे मारून टाकू अशी देखील त्यांना धमकी देण्यात आली असे फिर्यादी यांचे म्हणणे आहे.