महाराष्ट्रात एक खळबळजनक अशी घटना छत्रपती संभाजीनगर परिसरातील शहराजवळील वाळूज येथील इथे झेंडा मैदान परिसरात समोर आलेली असून शिकवणीसाठी आलेल्या एका सोळा वर्षीय महाविद्यालयीन तरुणीचे अपहरण करण्यात आलेले आहे . शुक्रवारी 15 तारखेला सकाळी साडेनऊ ते अकराच्या दरम्यान हा प्रकार घडलेला असून अज्ञात व्यक्तीच्या विरोधात अपहरणाचा गुन्हा दाखल करण्यात आलेला आहे.
उपलब्ध माहितीनुसार , अपहरण करण्यात आलेली मुलगी ही एका महाविद्यालयात इयत्ता अकरावी मध्ये शिकत असून औद्योगिक वसाहतीच्या रस्त्यावर राहते . रस्त्यावर एका कॉलनीत तिचे घर आहे. शुक्रवारी सकाळी सातच्या सुमारास ती वाळूज इथे शिकवणीसाठी आली त्यानंतर शिकवणी संपल्यानंतर देखील ती घरी आली नाही म्हणून तिचे आई-वडील आणि नातेवाईक हे शिकवणीच्या ठिकाणी गेले त्यावेळी तिने शिक्षकांना मला साडेनऊ वाजता काम आहे असे सांगून ती निघून गेलेली आहे अशी माहिती दिली.
नातेवाईकांनी तिचा सर्वत्र शोध घेतला मात्र ती मिळून आली नाही म्हणून वाळूज पोलीस ठाणे गाठून अज्ञात कारणासाठी पळून नेण्याचा गुन्हा कुटुंबीयांनी दाखल केलेला आहे . उंची पाच फूट बांधा सडपातळ रंग गोरा केस काळे अंगात पांढरा शर्ट निळ्या रंगाची जीन्स पॅन्ट आणि पाठीवर बँक लटकवलेली अशी तरुणी कुणाला दिसली तर पोलिसांशी संपर्क साधावा असे आवाहन करण्यात आलेले आहे.