महाराष्ट्रात एक खळबळजनक अशी घटना कोल्हापूर जिल्ह्यातील हातकणंगले इथे समोर आलेली असून घरातून पळून जाणाऱ्या एका प्रेमी युगुलाला वाटेतच अडवले आणि त्यानंतर उसाच्या दांडक्याने आणि कमरेच्या बेल्टने मारहाण केलेली आहे . शुक्रवारी रात्री एकच्या सुमारास या प्रकरणी हातकणंगले पोलिसात गुन्हा नोंदवण्यात आलेला आहे .
उपलब्ध माहितीनुसार , प्रज्वल गणपती वलशेट्टी ( वय 22 राहणार मानकापूर ) असे फिर्यादी तरुणाचे नाव असून त्याने सोपान कदम , प्रनिकेत छत्रे , विवेक पाटील , हनुमंत छत्रे , सोहम पाटील यांच्यावर गुन्हा दाखल करण्यात आलेला आहे.
फिर्यादी प्रज्वल याचे गावातील एका तरुणीसोबत प्रेम संबंध होते याची कुणकुण मुलीच्या घरच्यांना लागलेली होती त्यामुळे मुलीवर घरचे पाळत ठेवून होते . मुलगी घरातून बाहेर पडल्यानंतर मुलीच्या नातेवाईकांनी फिर्यादी आणि मुलगी यांचा पाठलाग केला आणि यड्राव फाटा , तारदाळ फाटा आणि हातकणंगले येथील एका पेट्रोल पंपावर अडवत त्यांना उसाच्या दांडक्याने आणि कमरेच्या पट्ट्याने मारहाण केली. पोलिसांनी गुन्हा दाखल करून घेतलेला असून तपास सुरू असल्याची माहिती आहे.