पुण्यात एक खळबळजनक असा प्रकार शहरात उघडकीस आलेला असून सोसायटीचा मेंटेनन्स भरला नाही म्हणून एका बिल्डरने चक्क दोन जणांना बरोबर घेऊन एका रहिवाशाला लोखंडी गजाने मारहाण केलेली आहे. रहिवासी असलेल्या व्यक्तीचा हात यामध्ये फ्रॅक्चर झालेला असून मुंढवा येथील ही घटना आहे
उपलब्ध माहितीनुसार, दीपक साहेबराव फडतरे ( वय 40 राहणार श्रीकृपा सोसायटी बालाजी रेसिडेन्सी केशवनगर मुंढवा ) असे तक्रारदार व्यक्ती यांचे नाव असून पोलिसांनी आरोपी तुषार शाह ( राहणार खराडी ) आणि त्याच्या तीन साथीदारांवर गुन्हा दाखल केलेला आहे. तुषार हा सोसायटीचा बिल्डर असून फिर्यादींनी मेंटेनन्स भरला नाही म्हणून शनिवारी रात्री साडेआठ वाजता तुषार आणि त्याचे काही साथीदार सोसायटीत आले आणि त्यांनी तक्रारदार यांना शिवीगाळ करत मारहाण केली त्यामध्ये फडतरे जखमी झालेले असून त्यांच्यावर उपचार सुरू आहेत