प्रगत राज्य म्हणून ओळख असलेल्या महाराष्ट्रात एक खळबळजनक अशी घटना सोलापूर जिल्ह्यात समोर आलेली असून एका महिलेला करणी केल्याच्या संशयावरून बेदम मारहाण करण्यात आलेली आहे. सोलापूर शहरातील नवी विडी घरकुल येथे ही घटना 27 जानेवारीला सकाळी साडेदहाच्या सुमारास ही घटना घडलेली आहे.
उपलब्ध माहितीनुसार, हिना सद्दाम बागवान ( वय 25 ) असे तक्रारदार महिला यांचे नाव असून त्यांनी आरोपी आजीज शेख ( वय 30 ) याच्या विरोधात वळसंग पोलीस ठाण्यात गुन्हा दाखल केलेला आहे. 27 जानेवारी रोजी सकाळी साडेदहाच्या सुमारास फिर्यादी यांचा मित्र असलेला आजीज शेख हा त्यांच्या घरासमोर आला आणि तक्रारदार महिला यांना जोरजोरात शिवीगाळ करू लागला.
त्याची शिवीगाळ ऐकून तक्रारदार महिला घराबाहेर आल्या त्यावेळी त्याने ‘ तू माझा नंबर ब्लॅक लिस्टमध्ये टाकलेला आहे. तू माझ्यावर करणी केलेली आहे त्यामुळे इथून पुढे मी तुला सोडणार नाही. तुझ्या तोंडाला यापुढे कोणी बघूनही नाही अशी तुझी अवस्था करेल ‘ असे देखील तो म्हणाला आणि त्यानंतर त्याने तक्रारदार महिला यांना मारहाण केली. घरातील खलबत्ता कुटण्याच्या दगडाने त्याने फिर्यादी यांना मारहाण केल्याने त्यांचे चार दात पडलेले असून वळसंग पोलीस ठाण्यात या प्रकरणी वेगवेगळ्या कलमांतर्गत गुन्हा नोंदवण्यात आलेला आहे
.