हौस म्हणून आपल्या लाडक्या लेकीला आईवडिलांनी स्कुटी भेट घेऊन दिली मात्र आरटीओचा ‘असा ‘ काही कारनामा घडला की चक्क ह्या मुलीला रस्त्यावर गाडी चालवणेच अवघड होऊन बसलय. दिल्ली येथील ही घटना असून हजारो रुपये खर्चून घेतलेली ही दुचाकी तरुणीसाठी डोकेदुखी ठरलेली आहे. गाडीची नंबरप्लेट तिच्यासाठी लज्जास्पद बाब बनलेली असून या नंबर प्लेटवर आलेल्या नंबरमध्ये चक्क सेक्स शब्द बनत असल्याचे तिला गाडी चालवणे अवघड होऊन बसले आहे .
उपलब्ध माहितीनुसार, स्कुटीधारक तरुणीचा गेल्या महिन्यात वाढदिवस होता आणि त्यातून तिने आपल्या आईवडिलांकडे स्कुटीसाठी हट्ट धरला. लेकीचा लाड पुरवण्यासाठी मध्यमवर्गीय कुटुंबानं पै पै जोडून स्कुटी खरेदी केली मात्र त्यात आरटीओ विभागाने अशी काही मेख मारली की तरुणीचे घराबाहेर पडणेच अवघड झाले.आरटीओकडून दुचाकीला मिळालेल्या नंबरमध्ये SEX अशी अक्षरं मिळाली आहेत. त्यामुळे तरुणीसह तिच्या कुटुंबीयाला मनस्ताप सहन करावा लागला आहे.
संबंधित तरुणीच्या भावांनी सांगितलं की, गाडीचा नंबरप्लेट पाहून आसपासची लोकं विचित्र नजरेनं पाहायला लागतात. गाडीचा नंबरप्लेट बदलून देण्याबाबत दिल्लीतील आरटीओ ऑफिसमधील अधिकाऱ्यांशी बातचित केली असता अशी कोणतीही तरतूद नसल्याचे कारण पुढे करत त्यांनी हात वर केले आहेत आणि दिल्ली इथे अशाच नंबर सीरिजच्या दहा हजार गाड्या धावत आहेत असेही सांगण्यात आले आहे .
दिल्ली वाहतूक आयुक्तांनी सांगितलं की, ‘गाडीला एकदा नंबर मिळाला की, परत तो बदलून देण्याबाबत कोणतीही तरतूद नाही. कारण सर्व प्रक्रिया या पॅटर्ननुसार चालते.’ गाडीच्या नंबरप्लेटमुळे संबंधित तरुणीला आणि तिच्या कुटुबीयांना चांगलाच मनस्ताप सहन करावा लागत आहे.