अवघ्या दीड महिन्यांपूर्वी लग्न झालेल्या एका 29 वर्षीय तरुण शेतकऱ्यावर शेतात ऊसाला पाणी देत असताना अंगावर वीज कोसळून शेतकऱ्याचा यात दुर्दैवी मृत्यू झालेला आहे. लोणी काळभोर येथील हे प्रकरण असून पंधरा तारखेला संध्याकाळी साडेसहाच्या दरम्यान ही घटना उघडकीला आलेली आहे.
उपलब्ध माहितीनुसार, दीपक दशरथ काळभोर ( वय 29 राहणार तरवडी रानमळा लोणी काळभोर तालुका हवेली ) असे मयत शेतकऱ्याचे नाव असून अवघ्या दीड महिन्यांपूर्वी त्यांचा विवाह झालेला होता. त्यांची शेती कॅनॉलच्या बाजूला असल्याने शनिवारी संध्याकाळी पाचच्या सुमारास ते उसाच्या पिकाला पाणी देत होते यावेळी त्यांच्या अंगावर वीज कोसळली.
दीपक घरी आले नाही म्हणून घरच्यांनी शेतात जाऊन पाहणी केली त्यावेळी ते जमिनीवर पडलेले होते. त्यांना रुग्णालयात दाखल करण्यात आले मात्र उपचारापूर्वीच त्यांचे निधन झालेले होते. लोणी काळभोर पोलीस ठाण्यात आकस्मिक मृत्यूची नोंद करण्यात आलेली असून लग्नानंतर अवघ्या दीड हा दुर्दैवी प्रकार घडल्याने कुटुंबावर शोककळा पसरलेले आहे.