महाराष्ट्रात एक अत्यंत खळबळजनक असे प्रकरण कोल्हापूर जिल्ह्यात समोर आलेले असून शिरोळ तालुक्यातील मजरेवाडी येथे एका मेंढपाळाचा अमानुषपणे खून करण्यात आलेला होता. सदर प्रकरण हे विवाहबाह्य संबंधातून घडल्याची चर्चा असून सावकार कल्लप्पा देबाजे ( वय 35 ) असे मयत व्यक्तीचे नाव आहे.
सदर प्रकरणी पोलिसांनी माळाप्पा अय्यप्पा हेगणनावर ( वय 25 राहणार नागोळे तालुका चिकोडी जिल्हा बेळगाव ) याला ताब्यात घेतलेले असून मयत व्यक्ती हा आरोपीच्या पत्नीसोबत अनैतिक संबंधासाठी तिला आग्रह करत होता त्यामुळे आरोपीने लिंबू उतरून टाकण्याचा बहाना केला आणि सावकार याच्यावर कुऱ्हाडीने वार केले आणि त्याचा खून केला असे आरोपीने सांगितलेले आहे. पोलिसांनी या प्रकरणात आणखी दोन जणांना ताब्यात घेतलेले आहे.
मयत व्यक्ती हा अंधश्रद्धेच्या मोठ्या प्रमाणात आहारी गेलेला होता त्याला मांत्रिक पद्धतीने लिंबू उतरवून टाकण्याचा बहाना करत आरोपीने सोमवारी कुरुंदवाड रस्त्याला बोलावून घेतलेले होते त्यानंतर आरोपीने त्याचे हातपाय बांधले आणि त्याच्या गळ्यावर कुऱ्हाडीने वार केला त्यात त्याचा मृत्यू झाला. मंगळवारी दुपारी ही घटना समोर आलेली होती त्यानंतर अवघ्या काही तासांच्या आत आरोपीला जेरबंद करण्यात आलेले असून त्याच्यावर गुन्हा दाखल करण्यात आलेला आहे.