महाराष्ट्रात एक भलताच प्रकार सध्या समोर आलेला असून आत्तापर्यंत सोन्याचे दागिने लुटण्यासाठी चोर वेगवेगळी शक्कल लढवत असायचे मात्र छत्रपती संभाजीनगर येथील एका चोराने जी काही शक्कल लढवलेली आहे ती देखील तितकीच वेगळी असून या घटनेत महिलेचे सुमारे 90 हजार रुपयांचे नुकसान झालेले आहे . सिडको एमआयडीसी पोलीस ठाण्यात या प्रकरणी गुन्हा दाखल करण्यात आलेला आहे .
आठ जून रोजी संध्याकाळी पाचच्या सुमारास एक महिला शेंद्रा एमआयडीसी भागात पेट्रोल पंपाच्या कच्च्या रस्त्याने चाललेली डोक्यावर टोपली घेऊन आंबे घेऊन चाललेली होती. गावरान आंबे विकण्याचा तिचा व्यवसाय असून पाठीमागून एक 35 वर्षाचा अनोळखी इसम आला आणि त्याने आमच्या साहेबांना गावरान आंबे खूप आवडतात . तुम्ही साहेबांकडे चला तुमचे सगळे आंबे ते विकत घेतील असे महिलेला सांगितले त्यानंतर महिला त्याच्या दुचाकीवर बसली.
आरोपीने महिलेला झाल्ता फाट्यावर घेऊन जात तिथे दुचाकी थांबवली आणि त्यानंतर तुझ्या गळ्यातील मंगळसूत्र ,कानातील टॉप ,हातातील चांदीच्या पाटल्या काढ नाहीतर तुझा खून करेल अशी धमकी दिली आणि तिच्याकडून सर्व काही दागिने लुटले आणि तेथून पलायन केले. सिडको एमआयडीसी पोलीस याप्रकरणी पुढील तपास करत आहेत.