महाराष्ट्रात एक खळबळजनक अशी घटना कोल्हापूर जिल्ह्यातील चंदगड इथे समोर आलेली असून इंस्टाग्रामवर दोन अल्पवयीन मुलींना आपल्या प्रेमाच्या जाळ्यात ओढल्यानंतर त्यांना पळवून नेण्याचा प्रयत्न केल्याप्रकरणी दोन जणांवर पॉक्सो कायद्याअंतर्गत गुन्हा दाखल करण्यात आलेला आहे. अल्पवयीन मुलींना पळवून नेण्याचा प्रयत्न फसलेला असून दोन्ही आरोपी सध्या पोलिसांच्या ताब्यात आहेत.
उपलब्ध माहितीनुसार , साहिल प्रभळकर ( वय 20 ) आणि सकलेन शेख ( वय 20 दोघेही राहणार चंदगड ) अशी आरोपींची नावे असून मुलगी शाळेत पोहचली नाही म्हणून फिर्यादी व्यक्ती यांनी याप्रकरणी पोलिसांना खबर दिलेली होती . पोलीस निरीक्षक संतोष घोळवे यांनी चार वेगवेगळी पथके तयार करून मुलींचा शोध घेण्यास सुरुवात केलेली होती.
अल्पवयीन मुलींनी आपण हलकर्णी येथे आलेलो आहोत अशी माहिती एका अनोळखी व्यक्तीच्या मोबाईलवरून संशयित तरुणांना दिली. मुलीच्या घरच्यांनी तिच्या मैत्रिणीकडे तपास केल्यानंतर मुलगी गायब झाल्याचे समोर आले आणि त्यानंतर परिसरातील दोन युवकही गायब असल्याचे समोर आल्यानंतर संशयित व्यक्तींना मोबाईलवर संपर्क करण्यात आला आणि त्यानंतर त्यांना ताब्यात घेण्यात आले.