पुण्यात एक खळबळजनक असा प्रकार उच्चभ्रू समजल्या जाणाऱ्या विमाननगर परिसरात समोर आलेला असून एका हॉटेलमध्ये एका तरुणीला मद्य पाजून तिच्यावर अत्याचार करण्यात आलेला आहे. 26 तारखेला ही घटना समोर आलेली असून येरवडा पोलिसात याप्रकरणी गुन्हा दाखल करण्यात आलेला आहे.
उपलब्ध माहितीनुसार , अभिषेक सत्तूजी टक्कल ( वय 28 राहणार चंदननगर ) असे संशयित आरोपी व्यक्तीचे नाव असून त्याच्या विरोधात पीडित तरुणीने फिर्याद नोंदवलेली आहे. विमान नगर येथील एका हॉटेलमध्ये ही तरुणी त्याच्यासोबत पार्टीसाठी गेलेली होती त्यावेळी आरोपीने तिला मद्य पाजले आणि त्रास झाला म्हणून तिला घेऊन तो लॉजवर गेला. तिथे त्याने तिच्यावर अत्याचार केला असे तिने म्हटलेले आहे.