महाराष्ट्रात एक धक्कादायक असा प्रकार जळगाव जिल्ह्यात समोर आलेला असून मुलाची भेट घ्यावी म्हणून बायकोला माहेरी भेटण्यासाठी आलेल्या जावयाला सासरच्या व्यक्तींनी बेदम मारहाण करत कुऱ्हाडीसारख्या वस्तूने त्याच्या डोक्यावर वार करून त्याला गंभीर जखमी केल्याचा प्रकार समोर आलेला आहे. जळगाव तालुक्यातील कुसुंबा गावात ही घटना घडलेली असून एमआयडीसी पोलीस ठाण्यात तीन जणांच्या विरोधात गुन्हा दाखल करण्यात आलेला आहे.
उपलब्ध माहितीनुसार , पारोळा तालुक्यातील उंदीरखेडा इथे योगेश शांतीलाल पाटील ( वय 33 वर्ष ) हा तरुण कुटुंबासोबत वास्तव्याला असून योगेश आणि त्यांची पत्नी यांच्यात काही दिवसांपासून कौटुंबिक वाद सुरू झालेले होते त्यानंतर त्यांची पत्नी कुसुंबा येथे माहेरी मुलासोबत निघून आलेली होती.
शनिवारी रात्री साडेआठच्या सुमारास योगेश पाटील हा मित्रासोबत मुलाला भेटण्यासाठी कुसुंबा येथे आला त्यावेळी संशयित सासरा असलेला विकास नथू चोपडे विशाल विकास चोपडे आणि मामा सासरा प्रवीण यांनी योगेश यांना लोखंडी वस्तूने मारहाण करत गंभीर दुखापत केलेली आहे.
योगेश यांच्या म्हणण्यानुसार सदर भांडणांमध्ये दोन मोबाईल आणि रोकड गहाळ झालेली आहे त्यानंतर रविवारी एमआयडीसी पोलीस ठाण्यात धाव घेऊन त्यांनी तक्रार दिलेली असून एमआयडीसी पोलिसांनी तीन संशयिताच्या विरोधात गुन्हा दाखल केलेला आहे.