महाराष्ट्रात एक अत्यंत खळबळजनक असे प्रकरण पुण्यातील वडगाव शेरी परिसरात समोर आलेले असून एका तरुणावर तीक्ष्ण हत्याराने वार करून त्याचा खून करण्यात आलेला आहे. खुनाचे कारण अद्यापपर्यंत समोर आलेले नसून मागील भांडणाच्या कारणातून हा प्रकार झाल्याची शक्यता वर्तवण्यात येत आहे.
उपलब्ध माहितीनुसार , अभिषेक राठोड ( वय 31 वर्ष ) असे खून झालेल्या तरुणाचे नाव असून चंदननगर पोलीस ठाण्यात अज्ञात हल्लेखोरांच्या विरोधात गुन्हा दाखल करण्यात आलेला आहे. अभिषेक हा बुधवारी रात्री वडगाव शेरी परिसरातील ब्रह्मा सनसिटी सोसायटी परिसरातून निघाला त्यावेळी हल्लेखोरांनी त्याला अडवले आणि त्याच्यावर वार केले त्यात त्याचा मृत्यू झाला.
घटना घडल्याचे समजताच तात्काळ चंदन नगर पोलीस ठाणे येथील पोलीस ठाण्यातील पोलीस कर्मचाऱ्यांनी तिथे धाव घेतली आणि त्याला रुग्णालयात दाखल केले मात्र उपचारापूर्वीच त्याचा मृत्यू झालेला आहे. मागील भांडणाच्या कारणातून हा प्रकार झाला असल्याची शक्यता पोलिसांनी व्यक्त केलेल्या असून सीसीटीव्ही फुटेजच्या माध्यमातून पोलीस आरोपींचा शोध घेत आहेत.