महाराष्ट्रात एक खळबळजनक असा प्रकार लातूरमध्ये समोर आलेला असून मंत्री नगर मध्ये राहणाऱ्या एका विधवा शिक्षिकेला बॅटने अमानुषपणे मारहाण केल्याचा प्रकार दहा तारखेला सकाळी साडेदहाच्या सुमारास घडलेला आहे. सदर प्रकारात शिक्षिकेचा हात मोडलेला असून शिवाजीनगर पोलीस ठाण्यात या प्रकरणी एका व्यापारी दांपत्याच्या विरोधात गुन्हा दाखल करण्यात आलेला आहे.
उपलब्ध माहितीनुसार , संगीता राजकुमार भोसले ( वय 53 ) या नेहमीप्रमाणे मॉर्निंग वॉकला चाललेल्या होत्या त्यावेळी श्रीनिवास नगरी इथे राहणारा व्यापारी गोपाल दरक आणि त्याची पत्नी सपना गोपाल दरक यांनी वाटेत त्यांना अडवले आणि आमच्या घराजवळ तुम्ही लघु शंका का केली ? या संशयाने त्यांना बॅटने मारहाण करण्यास सुरू केले.
शिक्षिका भोसले यांच्या उजव्या मांडीवर पिंढरीवर आणि डाव्या हातावर जबर जखमा झालेल्या असून आरोपी व्यापारी दांपत्याने केलेल्या हल्ल्यात त्यांचा हात मोडलेला आहे. शिक्षिका यांचा मुलगा शुभम याला देखील आरोपींनी मारहाण केलेली असून विनाकारण अर्धा तास आरोपी आपल्याला मारहाण करत होते असे त्यांनी पोलिसात दिलेल्या फिर्यादीत म्हटलेले आहे. शिवाजीनगर पोलीस ठाण्यात याप्रकरणी गुन्हा दाखल करण्यात आलेला असून पोलीस तपास सुरू असल्याची माहिती आहे.