महाराष्ट्रात एक धक्कादायक असा प्रकार सोलापूर जिल्ह्यातील मंगळवेढा इथे समोर आलेला असून आमच्याकडून चालवण्यासाठी घेतलेल्या ट्रकच्या हप्ते तू का भरले नाहीस ? आमचा ट्रक आम्हाला परत देऊन टाक असे म्हणत एका व्यक्तीला जबरदस्तीने मोटरसायकलवर बसवून पळून नेण्यात आले आहे . तीन व्यक्तींच्या विरोधात मंगळवेढा पोलिसात या प्रकरणी गुन्हा दाखल करण्यात आलेला आहे
उपलब्ध माहितीनुसार , बाळासाहेब बाबासाहेब सलगर ( वय 33 वर्ष राहणार डोंगरगाव ) असे किडनॅप करण्यात आलेल्या व्यक्तीचे नाव असून आरोपींच्या विरोधात त्यांच्या पत्नीने मंगळवेढा पोलिसात फिर्याद दिली आहे . 16 डिसेंबर रोजी रात्री सव्वा अकराच्या सुमारास संशयित आरोपी रावण सिद्धेश्वर चव्हाण आणि इतर दोन जणांनी डोंगरगाव येथे येऊन आपल्या पतीला दुचाकी वर बसून पळून नेले असे त्यांनी फिर्यादीत म्हटले आहे. पोलीस हवालदार विभुते या प्रकरणी तपास करत आहेत .