‘ आत्ताचा हा ट्रेलर आहे नंतर पूर्ण पिक्चर दाखवतो ‘, दिघी परिसरात ते आले अन..

महाराष्ट्रात किरकोळ कारणावरून कायदा हातात घेऊन दमदाटी करण्याचे प्रमाण मोठ्या प्रमाणात वाढलेले पाहायला मिळत असून असाच एक प्रकार पिंपरीत समोर आलेला आहे . ‘ आत्ताचा हा ट्रेलर आहे नंतर पूर्ण पिक्चर दाखवतो ‘ असे म्हणत एका टोळक्याने अंडा भुर्जीच्या गाडीवर काम करणाऱ्या एका तरुणावर कोयत्याने वार केलेले आहे. 

उपलब्ध माहितीनुसार , दिघी परिसरातील दत्तनगर चौपाटीवर 26 तारखेला रात्री सव्वा नऊच्या सुमारास हा प्रकार घडलेला असून गौरव बळीराम शेवाळे ( वय 30 वर्ष राहणार शास्त्री चौक आळंदी ) असे जखमी झालेल्या तरुणाचे नाव आहे . शुभम संदीप सोनवणे ( वय 23 वर्ष राहणार आदर्श नगर दिघी ) आणि त्याच्या तीन साथीदारांच्या विरोधात त्यानंतर गुन्हा दाखल करण्यात आलेला आहे.