महाराष्ट्रात अनेक धक्कादायक घटना समोर येत असताना अशीच एक घटना कोल्हापूर येथे उघडकीस आली आहे. गेल्या काही वर्षांपासून हनी ट्रॅप हे गुन्हेगारांचे पैसे उकळण्याचे आवडते साधन बनत असल्याचे दिसून येत आहे. कोल्हापूर येथील एका व्यावसायिकाला दोन महिलांनी आपल्या प्रेमाच्या जाळ्यात अडकवून बलात्काराची धमकी देत त्याच्याकडे खंडणी मागितली मात्र त्यांना आता गजाआड करण्यात आले आहे.
उपलब्ध माहितीनुसार, तक्रारदार कोल्हापूर येथील व्यावसायिक असून दोन महिलांनी त्यांना प्रेमाच्या जाळ्यात ओढले होते त्यानंतर वेळोवेळी त्यांनी तक्रारदार यांच्याशी संपर्कात राहात त्यांचा विश्वास संपादन केला आणि सदर व्यावसायिकाला दोन्ही महिलांनी ताराराणी चौकातील एका हॉटेलमध्ये बोलावून घेतले. हॉटेलमध्ये आल्यानंतर तिथे आणखी पाच जण दाखल झाले आणि या सात जणांनी मिळून सदर व्यवसायिकास बलात्काराचा गुन्हा दाखल करण्याची धमकी देत खंडणीची मागणी केली.
हतबल झालेल्या व्यावसायिकाने कसेबसे करून तिथून आपली सुटका करून घेतली आणि पोलीस ठाण्यात धाव घेतली..अटक केलेल्या महिलांची नावे हिना सनाउल्लाह फकीर, प्रतिक्षा उर्फ प्रिया शिरीष करूणे, अजित संभाजी निंबाळकर, राहुल शिवाजी पुजारी, श्रीनाथ गंगाराम कुचकोरवी, यासीन सनाउल्लाह फकीर, कुणाल विजय शेंडे सर्वजण राहणार कोल्हापूर असे आहे.