शिक्षणाचे माहेरघर असलेल्या पुण्यामध्ये एक खळबळजनक असा प्रकार समोर आलेला असून दिवसाढवळ्या एका व्यक्तीची हत्या करण्यात आलेली आहे . नातेवाईकाकडे आलेल्या दोन तरुणांवर घराच्या बाहेर पडताच मागील भांडणाच्या कारणावरून हल्ला करण्यात आला. हातोडी आणि स्क्रू ड्रायव्हर यांच्या माध्यमातून हा हल्ला झाला आणि यात एका तरुणाचा मृत्यू झालेला आहे.
उपलब्ध माहितीनुसार , बिबवेवाडी आणि धनकवडी भागातील दोन तरुण तीन दिवसांपूर्वी पुण्यातील नाना पेठ इथे त्यांच्या नातेवाईकांकडे आलेले होते. दोन्ही तरुणांचे नाना पेठ येथील काही तरुणांसोबत खुन्नसने बघण्यावरून दीड महिन्यांपूर्वीच वाद झालेले होते. नाना पेठ मध्ये हे दोन जण आलेले आहेत याची माहिती स्थानिक तरुणांना समजली आणि त्यानंतर त्यांनी पाळत ठेवत घराबाहेर पडताच त्यांच्यावर हातोडी आणि स्क्रू ड्रायव्हरने हल्ला केला.
सूर्यकांत उर्फ बंडू अण्णा रानोजी आंदेकर ( वय 67 ), मुलगा कृष्णराज उर्फ कृष्णा सूर्यकांत आंदेकर (वय ३५ ) , तुषार निलनजे वाडेकर ( वय 24 ), स्वराज वाडेकर ( वय 20 ) यांना अटक करण्यात आली आहे तर तीन अल्पवयीन मुलांना ताब्यात घेण्यात आलेले आहे . सदर प्रकरणातील एक तरुण अद्यापही फरार असून समर्थ पोलीस ठाण्यात याप्रकरणी गुन्हा दाखल करण्यात आलेला आहे. सर्व प्रकार सीसीटीव्ही फुटेजमध्ये देखील कैद झालेला असून त्यामध्ये आरोपी तरुणांवर हल्ला करताना दिसत आहेत.