महाराष्ट्रात एक खळबळजनक अशी घटना जळगाव इथे समोर आलेली असून एका अल्पवयीन मुलीसोबत प्रेम संबंध असल्याच्या संशयावरून इयत्ता दहावी शिकत असलेल्या एका पंधरा वर्षीय मुलाला सोबत शिकत असलेल्या सहा अल्पवयीन मुलांनी बळजबरीने रिक्षात बसून के सी पार्क परिसरात नेऊन बेदम मारहाण केलेली आहे. अल्पवयीन मुलांनी त्याच्यावर कोयत्याने वार करून त्याला जखमी केलेले असून चार ऑक्टोबर रोजी रात्री नऊच्या सुमारास ही घटना घडलेली आहे जळगाव शहर पोलिसात या प्रकरणी गुन्हा दाखल करण्यात आलेला आहे
उपलब्ध माहितीनुसार , जळगाव तालुक्यातील एका गावचा रहिवासी असलेला पंधरा वर्षे मुलगा इयत्ता दहावीत शिकत असून त्याने खाजगी क्लासेस लावलेले आहेत. त्याच्यासोबत तेथील आणखीन सहा मुले देखील शिकवणीसाठी जातात. क्लासमध्ये शिकत असताना एका मुलीसोबत प्रेम संबंध असल्याच्या संशयावरून सहा जणांनी त्याला चार ऑक्टोबर रोजी रात्री नऊच्या सुमारास खाजगी क्लासमध्ये असताना जबरदस्तीने रिक्षात बसून नेले.
जळगाव शहरातील केसी पार्क परिसरात रिक्षा आल्यानंतर सहा जणांनी त्यांना बेदम मारहाण केली त्यातील एकाने कोयत्याने वार करून मुलाच्या हाताला जबरदस्त दुखापत केलेली असून त्याच्यावर उपचार घेतल्यानंतर सहा अल्पवयीन मुलांच्या विरोधात गुन्हा दाखल करण्यात आलेला आहे. पुढील तपास सहाय्यक पोलीस निरीक्षक किशोर पवार करत असल्याची माहिती आहे.