देशात सगळीकडे अन्न आणि औषध विभाग पोहचू शकत नाही मात्र याचाच फायदा घेत चक्क काही हॉटेलचालक आपल्या ग्राहकांच्या जीविताशी खेळत आहेत. असाच एक व्हिडिओ सध्या सोशल मीडियावर व्हायरल होत असून घटना उत्तर प्रदेशातील गाजियाबाद येथील आहे . मीडिया रिपोर्टनुसार या आरोपीला अटक करण्यात आली आहे .
व्हायरल व्हिडिओमध्ये , एक व्यक्ती थुंकी लावून रोटी तयार करीत आहे. गाजियाबादमधील सिहानीगेट भागातील एका चिकन कॉर्नरचा हा व्हिडीओ असल्याचे सांगितले जात आहे .सदर व्यक्ती थुंकी लावून स्वयंपाक करीत असल्याचा व्हिडीओ पाहून लोकांनी संताप व्यक्त केला आहे. पोलिसांनी या प्रकरणातील गांभीर्य लक्षात घेत कारवाई केली आहे.
व्हायरल व्हिडीओमध्ये व्यक्ती तंदूरी रोटी करीत असताना दिसत आहे. रोटी तयार करीत असताना गव्हापासून तयार केलेल्या रोटीवर तो आधी थुंकतो आणि त्यानंतर ती भट्टीत टाकतो. मात्र कोणाचच त्याच्याकडे लक्ष गेलं नाही. रेस्टॉरंटच्या बाहेर एक व्यक्तीने हा व्हिडीओ शूट केला, जो आता व्हायरल झाला आहे. व्हिडीओ व्हायरल झाल्यानंतर लोकांनी मोठा गोंधळ घातला आणि चिकन पॉइंटविरोधात कारवाई करण्याची मागणी करीत आंदोलन केलं यानंतर या व्यक्तीला अटक करण्यात आली. तमीजुद्दीन असे आरोपीचे नाव असल्याचे समजते.