गौतमी पाटील हिच्या दिलखेचक अदा महाराष्ट्रातील प्रेक्षकांच्या चांगल्याच पसंतीस उतरत असून गौतमी पाटील हिच्या आडनावावरून वाद सुरू झालेला आहे . पश्चिम महाराष्ट्रात तिच्या कार्यक्रमाला तुफान प्रतिसाद मिळत असून गौतमी पाटीलच्या आडनावावरून पुण्यात एक बैठक पार पडलेली होती. तिचे खरे आडनाव पाटील नसून चाबुकस्वार आहे. पाटील आडनाव लावून ती पाटलांची बदनामी करत आहे असा आरोप तिच्यावर केला जात आहे. गौतमी पाटीलने हे नाव लावू नये अन्यथा तिचे महाराष्ट्रात कार्यक्रम होऊ दिले जाणार नाहीत असा इशारा मराठा समन्वयकचे राजेंद्र जराड पाटील यांनी दिलेला आहे.
गौतमी पाटील हिने याबद्दल उत्तर देताना मी पाटीलच आहे आणि पाटील आडनावच लावणार आहे असे म्हटलेले आहे. तिच्या प्रतिक्रियानंतर हा वाद चिघळण्याची शक्यता आहे . तिच्या मानधनावरून या आधी देखील वाद झालेला होता त्यानंतर तिचा कपडे बदलत असतानाचा व्हिडिओ एका अल्पवयीन मुलाने शूट करून सोशल मीडियात व्हायरल केलेला होता मात्र तरी देखील पुन्हा जिद्दीने गौतमी पाटील उभी राहिलेली दिसून येत आहे.